Gauekoak programa 27 actividades de ocio alternativo y saludable para la temporada otoño-invierno
Noticia publicada el
14 de septiembre de 2022
La forma de inscribirse se puede consultar en la web del Ayuntamiento.
DOSSIERRA UDAZKENA-NEGUA
Bueltan da 16 eta 30 urte bitarteko gazteentzako aisialdi alternatiboa, hezitzailea eta osasungarria eskaintzen duen Gauekoak programa. Gasteizko Udaleko Gazteria Zerbitzuak sustatzen duen ekimena gazteek eta gazteentzat antolatua dago eta udazken-negu sasoian 27 jarduera izango ditu, irailetik abendura.
Kultur eta kirol arloko jarduerak izango dira, eta sormena, euskararen erabilera, emakumeen ikusgarritasuna, irisgarritasunaren eta inklusioaren sustapena eta herritarren parte-hartzea bultzatzea izango dute xede.
“Programa honek kudeaketa sozialaren alde egiten du nagusiki eta administrazio publikoaren eta hiriko elkarteen edo gazteen kolektiboen artean dago banatuta. Gazteak dira jarduera mota guztien garapenerako eragileak”, nabarmendu du Miren Fernandez de Landa Gazteria arloko zinegotziak.
Gaur goizean aurkeztu dituzte irailetik abendura bitarte egingo diren jarduerak. Doakoak izango dira guztiak eta atxikitako txostenean kontsulta daitezke. Informazio guztia eta izena emateko modua Gasteizko Udalaren webgunean kontsulta daitezke: www.vitoria-gasteiz.org/gauekoak.
Información relacionada
Comparte esta información
- Te recomendamos -
